Munguu's Page

Товч танилцуулга
Британийн Монголчуудын Холбооноос Элчин сайдын яамтай хамтран зохион явуулдаг “Монгол орны хөгжилд” сэдэвт чуулга уулзалт нь 2005 оноос хойш уламжлал болон 4 удаа амжилттай зохиогдсон.
Чуулга уулзалт нь Британийн монголчуудын эрдэм судлалын ажил, судалгаа, шинжилгээ, оюуны бүтээлүүдээс илтгэгдэж ажил хэрэгч санал шүүмж, хэлэлцүүлэг өрнөдөг, жилээс жилд утга агуулга хамрах хүрээ нь өргөжин тэлж буй амьд үйл хэрэг болж чадсан.
Тухайлбал 4 дэх удаагийн чуулганаар “Байгаль орчин” сэдвээр түлхүү анхаарч Монгол, Орос улсад судалгаа шинжилгээ хийж буй мэрэгжлийн эрдэмтэд судлаачдаа цахим хэлбэрээр хамруулан оролцуулснаараа өмнөх чуулгануудаасаа шинэлэг онцлог болов. Улмаар ирэх жилийн чуулганд Монголын тадаар судалгаа шинжилгээ хийдэг гадаадын Монголч судлаач эрдэмтэдийг оролцуулахаар бэлтгэл ажилдаа ороод байна.
Чуулга уулзалтын үеэр зөвхөн эрдэм номын төдийгүй эх орныхоо нэрийг дэлхийд мандуулж байгаа урлаг, спортоор алдартнуудаа урин оролцуулдаг нь хүрэлцэн ирэгсэд нутаг нэгтнээрээ бахархах сэтгэлийг төрүүлж эх оронч үзлийг бэхжүүлдэг онцлогтой.

Чуулга Уулзалтын Эрхэм Зорилго
Монгол орны хөгжил дэвшилд чиглэсэн оюуны тасралтгүй хөрөнгө оруулалт хийх, бодит үр өгөөжийг нь хүртэх цогц тогтолцоог бий болгох

Үйл ажиллагааны чиг хандлага
• Гадаад орнуудад сурч байгаа оюутнууд, ажиллаж байгаа монголчуудийг нэгтгэж нэгдсэн чуулга-уулзалт зохион явуулж өрнүүлэх
• Гадаад орнуудад сурч ажиллаж буй монголчуудын оюуны болон онолын мэдлэгийг Монгол дахь шийдвэр гаргагчид, тухайн чиглэлээр ажилладаг байгууллага, хувь хүмүүст хүргэхээс гадна төрийн бодлого боловсруулахад хувь нэмэр оруулах;
• Монголд сурч байгаа оюутнууд, мэргэжлийн байгууллага, хүмүүстэй хамтран ажиллаж Монгол орны хөгжилд хувь нэмэр болохуйц практик үйл ажиллагааг эрэлхийлэх, хэлэлцэх, нэвтрүүлэх;
• Монголд хийгдэж байгаа судалгаа шинжилгээ, эрдэм шинжилгээ эрхэлсэн хүмүүсийн ажлыг гадаадад амьдарч байгаа монголчууд болон гадныхны хүртээл болгох;
• Монгол судлаач гадаадын эрдэмтэн, мэргэжилтэн, сайн дурын ажилтан, монголд ээлтэй байгууллага, хүмүүстэй хамтран ажиллах;
• Монгол оронтой бизнес хийдэг байгууллага, хүмүүсийг татан оролцуулах буюу шинэлэг бизнес санаа, санаачилга зэргийг Монгол дах тохирох байгууллага, хүмүүстэй холбож өгөх;

Чуулга уулзалтанд илтгэл тавигчид
• Монгол Улсын Хөгжилд хувь нэмэр оруулах сонирхолтой байгууллага, хувь хүн бүрт нээлттэй.

Чуулга уулзалтанд оролцогчид
• Их Британид сурч ажиллаж буй Монголчууд
• Монгол судлаач, эрдэмтэд, мэргэжилтэд
• Монгол оронтой холбоотой үйл ажиллагаа эрхэлдэг төрийн болон төрийн бус байгууллагууд, компаниудын төлөөлөл, хувь хүмүүс
• Бусад оронд оршин суугаа Монголын иргэд

Үр дүнгээс
• Монгол орны хөгжилтэй холбоотой асуудлуудаар санал дэвшүүлсэн эхний хоёр чуулганы илтгэлүүдийн товхимол хэвлэгдэн Монгол орны томоохон номын сангууд, төрийн болон бизнесийн байгууллагуудад тараагдаж олны хүртээл болсон
• Зохиогдсон Чуулга-уулзалт бүрийн талаарх товч мэдээлэл, зарим илтгэлүүд БМХ, Цахим Өртөөний веб(www.tsahimurtuu.mn) болон бусад интернет мэдээллийн хэрэгслээр цацагдаж интернет хэрэглэгчдийн хүртээл болсон
• Монголд болон гадаад сурч, ажиллаж байгаа монголчуудын хооронд мэргэжлийн, бизнесийн холбоо тогтоогдож хамтран ажиллах эхлэл тавигдсан, хамтран ажиллаж эхэлсэн,
• Монголын байгууллага, хувь хүмүүс гадаад орны мэргэжлийн байгууллага, хүмүүстэй холбоо тогтоогдож хамтран ажиллах эхлэл тавигдсан, хамтран ажиллаж эхэлсэн,
• Чуулга уулзалт бүрд Монгол болон гадаадаас оролцох хүмүүсийн тоо нэмэгдсэн өргөжсөөр байна,
• Монгол орны хөгжлийн асуудлаар илтгэл тавьсан болон хэлэлцсэн хүмүүс хооронд тухайн салбарын гол чиглэл, тулгамдсан асуудал, хийгдэж буй ажил, төлөвлөлт, бэрхшээлтэй талууд тэднийг даван туулах асуудлаар ойлголттой болсон,

5-p Чуулга Уулзалтын тов
2009 оны 5 сарын 3-ны өдөр Лондон хотноо зохиогдоно. (Ганц хоёр өдрөөр хойш урагш болон өөрчилөгдөх магадлалтайг анхаарна уу!)

Холбоо тогтоох
• Bэб хуудас: www.mongolchuud.co.uk
• Имэйл хаяг: mail@mongolchuud.co.uk